དཔལ་ཡུལ་དར་ཐང་མདོ་སྔགས་བཤད་སྒྲུབ་ཆོས་འཁོར་དར་རྒྱས་གླིང་འདི་ཉིད་ནི། རྗེ་ཀརྨ་འགྱུར་མེད་ངེས་དོན་བསྟན་འཛིན་གྱིས་ད་ལྟའི་མཚོ་སྔོན་ཞིང་ཆེན་མགོ་ལོག་གཅིག་སྒྲིལ་རྫོང་ཁུངས་སུ། སྤྱི་ལོ་ ༡༨༥༠ ལོར་ཕྱག་བཏབས། དེ་རྗེས་གདན་རབས་གཉིས་པ་རྒྱ་སྤྲུལ་པདྨ་མདོ་སྔགས་བསྟན་འཛིན། ཨོ་རྒྱན་མདོ་སྔགས་ཆོས་ཀྱི་ཉི་མ། ལྷ་སྤྲུལ་པདྨ་གར་དབང་བསྟན་འཛིན། གཟི་སྤྲུལ་འཇམ་དབྱངས་ཤེས་བར་ཆོས་ཀྱི་སྣང་བ། སྦ་རོད་པདྨ་བསམ་འགྲུབ་རྡོ་རྗེ། མཆོག་སྤྲུལ་ཐུབ་བསྟན་ཆོས་ཀྱི་ཟླ་བ། མགར་ཀློང་པདྨ་བདེ་ཆེན་མཁའ་ཀློང་ཡངས་པ་སྟེ་གདན་རབས་བརྒྱད་དང་། ད་ལྟ་རིགས་བདག་བླ་མ་དམ་པ་༧སྐྱབས་རྗེ་ལྷ་སྤྲུལ་རིན་པོ་ཆེ་སྐུ་ཕྲེང་གསུམ་པ་ཨོ་རྒྱན་གར་དབང་ཉི་མ་མཆོག་གིས་བསྐྱངས་དང་སྐྱོང་བཞིན་པའོ། །